Ганцаардал

Явж чадахгүй нэгэнд ч
Эцсээ хүртэл ширтэх газар бий
Тэнгэр
Мод салхинд
Биеэ өгнө
Өгсөн хэрээрээ нугарч
Нугарсан хэрээрээ амьд үлднэ
Тэнгэр байгаа учраас тэсэж
Тэссэн хэрээрээ
Биед нь хэлбэр үлднэ
Тэр нугарсан хэлбэр
Ялагдлын ул мөр биш
Эцсээ хүртэл тэнгэрийг мартаагүй
Тэсэхүйн хэлбэр юм

Тиймээс
бөхийсөн зүйлийг харвал
түүнийг цохисон салхийг
эхлээд бодох хэрэгтэй.
Бөгтөр нуруу бол
ялагдсаных нь бус,
тэссэний нь тэмдэглэл юм.