Annyeong

Ang salitang Koreano na annyeong
Ay kakaibang salita
Sinasabi ito sa umaalis
At sinasabi rin sa muling nagkita
Kaya sa iisang salitang ito

Magkasama ang paghihiwalay at ang pagbabalik
Ang pusong nagsasabing ligtas na paglalakbay
At ang pusong nagsasabing bumalik kang matiwasay
Ang tao at ang puno
Ay hawak ang dalawang pusong iyon sa iisang kamay
Kumakaway patungo sa naglalahong bangka
Annyeong.
Ang pinakamaikling pagbati
Hindi pinipigil
Ngunit hindi rin nililimot
Hanggang wakas
Ang nagmamadaling sandali ng pagkaway
Ay sinalo rin ng pintor sa nagmamadaling pinsel
Para bang kailangang hulihin
Ang sandali ng pamamaalam bago ito lumipas
Ang bilis ng paghiga ng damo sa hangin
At ang bilis ng paghagod ng pinsel sa papel
Ay nagiging iisa