Mahaba't Mahabang Pananabik

Isang manipis na guhit
Ang naghahati sa dagat at langit
Sa malayo, isang munting bangka
Sa tabing-tubig, isang taong may hawak na pamingwit
Ngunit walang pisi
Sapagkat walang nais hulihin
Dahilan lamang ang pamingwit.
Hindi isda ang hinihintay niya.
May hawak lamang siyang dahilan
upang masdan ang dagat.
Ang paghihintay
Ay hindi panahon ng pagkamit
Kundi ang matagal na paglalagak ng puso
Sa hindi dumarating
Kaya ang paghihintay
Ay mahaba
At mahaba pa