Pananatiling Buhay 2

Madilim ang lahat
At mabangis ang alon
Sa ilalim ng itim na langit
Bumubulwak ang puting bulâ
Kumukulo ang dagat
Sa pinakagitna nito
Ilang itim na ibon
Ang pumapailanlang salungat sa agos
Nakabuka ang mga pakpak
Tinitiis ang bumubuhos na alon
Upang hindi matangay
Upang hindi lumubog

Walang nag-utos sa kanila.
Pumapailanlang sila
dahil buhay sila.
Ang pagbaluktot
Ay ang pagsisikap na hindi mabali
Ang pagpailanlang
Ay ang pagsisikap na hindi maglaho
Sa ibabaw ng madilim na alon,
ipinakikita ng maliliit na pakpak
ang lahat ng laman
ng salitang buhay.