Амьд үлдэхүй 2

Бүх юм харанхуй
Ширүүн долгионтой
Хар тэнгэрийн доор
Цагаан усан цацлага дэгдэж
Далай буцална
Түүний яг голд
Хэдэн хар шувуу
Урсгалыг сөрөн өндийнө
Жигүүрээ дэлгэн
Цутгах долгионыг даана
Түрэгдэхгүйн тулд
Живэхгүйн тулд
Хэн нэгэн тушаасных биш.
Амьд учраас
өндийнө.
Нугарах нь

Хугарахгүйн хэрэг
Өндийх нь
Сөнөхгүйн хэрэг юм

Харанхуй долгион дээр
тэр жижиг жигүүрүүд
амьдрал хэмээх үгийн
бүх утгыг харуулна.