Өндөр эгшиг

Нэг мод
Биеэ уртаар өндийлгөн
Тэнгэрийн зүг хандана.
Цэх өссөн мод биш.
Салхийг удаан тэсэж
Нугарч дахин нугарсан мод юм.
Тэр нугарсан биеийн үзүүрээс
Хоёр шувуу нисэн гарна.
Талд живэхгүйн тулд.
Салхинд булагдахгүйн тулд.
Хамгийн өндөр эгшгээр дуугарна.
Амьд байна гэж.
Энд байна гэж.
Тэр дуу
Тэнгэрийн хаяанд хүртэл хүрээсэй гэж.
Өндөр эгшиг
Эцэст нь арилахгүйн тулд
Өөрийн оршихуйг дээш түлхэх
Дуу юм.
Бие газарт шигдэж
Цөллөгийн газар үлдсэн ч,
Дуу биеэс салж
Хоосон тэнгэрийн зах хүртэл
Өгсөж чадна.
Тэр далавчны дэвэлт
Модноос салсан юм биш.
Нугарсан биеийн
Насаараа тээсэн ганц эгшиг
Сая далавч олсон нь юм.