Ганц цэг

Тэнгэрийн хаяаны нэг зураас
Түүн дээр нэг завь
Энэ л бүгд
Хоосон биш
Нам гүмээр дүүрэн
Дахин зурах юм байгаагүйдээ биш
Дахин хасах юм байхгүй болсондоо
Ганц цэг л үлджээ
Өнгийг хасаж,
хэлбэрийг хасаж,
үгийг хасжээ.
Насан турш хассаны эцэст
үлдсэн ганц цэг.
Хасахуйн эцэст
Оршихуй сөнөдөггүй
Харин ч хамгийн жижиг болсон газраа
Хамгийн гүн болдог

Хамгийн хоосон газар
Хамгийн дүүрэн газар
Тэнд
Ганц цэг болж
Тэр үлджээ

Нэгэн насны амьдрал
тэгж үлджээ.