Холдох завь

Далай бүдэг хатсан өвсний өнгөөр
Алс хэвтэнэ.
Тэнгэрийн хаяан дээгүүр бяцхан завь
Шингэх гэрлийг хүртэн холдоно.
Зураас байшин зурж явснаа хоосонд алдарна.
Өвс дагаж явснаа далайд тавигдана.
Хэлбэрийг хорьдоггүй зураас юм.
Явах завийг барьдаггүйтэй адил
Зураас ч юмыг барьдаггүй.
Зурна гэдэг
Барьж хорих явдал биш.
Арилах юмыг аяархан
Тавьж явуулах явдал юм.
Тавьж явуулсаар атлаа
эцсийг хүртэл харах.
Тэр хүртэл л зурахуй юм.